Gemeinsame Message vun SEW/OGBL an SNE/CGFP un d’Schoulgemeinschaft aus dem Enseignement fondamental

02.04.2020

Logo_SEW.jpg
SNE_RGB.png



Gemeinsame Message vun SNE/CGFP an SEW/OGBL un d’Schoulgemeinschaft aus dem Enseignement fondamental

 

D’Kris vum Covid-19: Eng gemeinsam Erausfuerderung an de Lëtzebuerger Schoulen

 

D’Coronakris huet eis all iwwerrumpelt an d’Liewe vun de Kanner, den Elteren an den Enseignanten déifgräifend verännert.

 

An de Schoulen huet dës sanitär Kris fir d’Enseignantë bedeit, vun haut op muer net méi a Präsenz vun de Schüler Schoul ze halen. Ganz kuerzfristeg hunn d’Enseignanten an d’Schüler mussen op nei Kommunikatiounsweeër an nei Methode zréckgräifen. Domadder ass och e groussen Deel Responsabilitéit an Encadrement am schoulesche Suivi op d’Eltere zréckgefall. Besonnesch d’Kanner hunn hir bekannte Repèrë verluer an hu sech missen a kierzester Zäit ëmstellen. Nëmme mateneen an enger gudder Zesummenaarbecht tëschent alle Bedeelegte kënne mir deen Défi ophuelen.

 

Parallel si mir alleguer mat der sozialer Isolatioun confrontéiert a vill vun eis gi vu gesondheetlechen, finanziellen oder esouguer existenzielle Suerge geplot. De Cumul vun Aarbecht/Télétravail an der Betreiung vun de Kanner – AN hirer Beschoulung – féiere bei ville Familljen zu enger zousätzlecher Belaaschtung.

 

Fir den SEW/OGBL an den SNE/CGFP ass et kloer, dass den « Enseignement à distance » den traditionellen Unterrecht net ersetze kann. Enseignéieren ass eng sozial Interaktioun tëschent engem Enseignant a senge Schüler, an dat an engem schouleschen Ëmfeld. Dat doheem ze maachen, ouni deen néidege pedagogeschen Hannergrond an ouni déi néideg gruppendynamesch Effekter, dofir awer agebett an de familiären Alldag, ass schwéier méiglech, wann net onméiglech. All zesummen musse mir derfir suergen, dass dës Kris eventuell Ongläichheete net weider verschäerft – an dat onofhängeg vum sproochlechen, familiären, techneschen oder berufflechen Ëmfeld. 

 

Well d’Schoulen och no der Vakanz zoubleiwen, muss ënnert Ëmstänn och iwwert d’Aféiere vun neie Contenuen nogeduecht ginn. D’Erausgoen iwwert reng Widderhuelungsaufgabe kéint eng weider grouss Erausfuerderung fir d’Schüler, d’Elteren an d’Enseignanten ginn. Eng national Strategie, déi a Concertatioun mat den Enseignanten ausgeschafft gëtt, kéint dobäi eng grouss Hëllef sinn. Egal wéi muss probéiert ginn, d’Belaaschtung an de Familjen esou kleng wéi méiglech ze halen. 

 

Den aktuellen « Homeschooling » ass a bleift eng Noutléisung: Fir den SNE/CGFP an den SEW/OGBL ass et kloer, dass esou net bei all de Kanner déi selwecht Kompetenzen erreecht kënne ginn wéi ënner normalen Ëmstänn. Mir Enseignantë versécheren Iech awer, dass mir all d’Kanner um Enn vun der Kris do ofhuelen, wou si stinn – och elo wou decidéiert gouf d’Schoulen no der Ouschtervakanz nach weider zou ze loossen. Zesumme mam Educatiounsministère wäerte mir Léisunge sichen a fannen, fir déi Matièren opzeschaffen, déi elo nëmme bedéngt traitéiert kënne ginn. 

 

Fir dass d’Enseignante sech weiderhin op déi schoulesch Inhalter konzentréieren an d’Elteren sou gutt wéi méiglech hir Kanner beim Léieren ënnerstëtze kënnen, sollen Offere geschafe ginn, op déi d’Elteren an d’Kanner bei ausserschoulesche Problemer zréckgräife kënnen. Et ass e Fakt, dass vill Familljen de Moment a verschiddene Beräicher Hëllef an Ënnerstëtzung brauchen, och am psychologesche Beräich. Schoulescht Léieren ass nëmme méiglech, wann e psychologescht Gläichgewiicht bei de Kanner garantéiert ass.

 

D’Suspensioun vun de Coursen ass keng Vakanz. Mir mussen awer, nieft dem renge Léieren, och all déi aner Komponente mat am Bléck behalen.  

 

An deem Sënn wier dës Period keng verlueren Zäit! Den SEW/OGBL an den SNE/CGFP appelléieren un Iech Elteren an un d’Politiker: Vertraut Ären Enseignanten, dass si no der Kris, am gewinnten Ëmfeld, d’Situatioun meeschteren an d’Kanner do ofhuele wäerten, wou si stinn. 







Matgedeelt vun  SEW/OGBL an  SNE/CGFP, den 2. Abrëll 2020.

Message commun du SNE/CGFP et du SEW/OGBL à la communauté scolaire de l’Enseignement fondamental. 

 

La crise du Covid-19 : Les écoles luxembourgeoises face à un défi commun !

 

La crise du coronavirus nous a tous pris au dépourvu et a profondément changé la vie des enfants, des parents et des enseignants. 

 

Du jour au lendemain, cette crise sanitaire signifiait que les enseignants ne pouvaient plus enseigner devant leurs élèves. Dans un délai ultra-court, les enseignants et les élèves ont dû se rabattre sur de nouvelles méthodes de communication, d’enseignement et d’apprentissage. Une grande partie de la responsabilité et de l’encadrement du suivi scolaire a dû être déléguée aux parents. Ce sont surtout les enfants qui ont perdu leurs repères habituels et qui ont dû s’adapter à la nouvelle situation dans les plus brefs délais.

Ce n’est qu’ensemble et en étroite coopération entre toutes les parties concernées, que nous pourrons relever ce défi.

 

Parallèlement, nous sommes tous confrontés à l’isolement social et beaucoup d’entre nous sommes en proie à des soucis sanitaires, financiers et même existentiels. Le cumul entre travail/ télétravail, garde des enfants – ET scolarisation de ces derniers - entraîne une charge supplémentaire pour de nombreuses familles. 

 

Pour le SEW/OGBL et le SNE/CGFP, il y a une évidence : l’enseignement à distance ne peut nullement remplacer l’enseignement traditionnel à l’école.  L’enseignement relève d’une interaction sociale entre enseignant et élèves, et cela dans un cadre scolaire. L’enseignement à domicile, intégré dans le quotidien familial, est difficilement réalisable, voire impossible, sans le bagage pédagogique suffisant et sans les effets nécessaires d’une dynamique de groupe. Ensemble, nous devons veiller à ce que cette crise n’amplifie pas d’éventuelles inégalités – indépendamment du milieu linguistique, familial, technique ou professionnel. 

 

Étant donné que les écoles resteront fermées après les vacances de Pâques, il devient éventuellement nécessaire d’enseigner de nouveaux contenus aux élèves. Aller au-delà de simples exercices de répétition pourrait devenir un défi supplémentaire pour les élèves, les parents et les enseignants. Une stratégie nationale, élaborée en concertation avec les enseignants, pourrait aider ces derniers dans cette tâche. Quoi qu’il en soit, il faudra éviter à solliciter outre mesure les familles.  

 

L’enseignement à domicile actuel est - et doit rester - un pis-aller. Pour le SNE/CGFP et le SEW/OGBL il est clair que, dans le contexte actuel, un certain nombre d’élèves ne pourront pas acquérir les mêmes compétences qu’en temps normal. Toutefois, les enseignants vous assurent, qu’après la crise, ils mettront tout en œuvre pour agir de manière différenciée afin de répondre au mieux aux besoins de chaque élève. En collaboration avec le Ministère de l’Éducation nationale, nous chercherons et trouverons des solutions pour compenser d’éventuels retards d’apprentissage.

  

Afin que les enseignants puissent se concentrer sur les contenus scolaires et soutenir les parents autant que possible dans l’apprentissage à domicile, il convient de créer des offres auxquelles les parents et les enfants pourront recourir en cas de soucis non-scolaires. 

 

A l’heure actuelle de nombreuses familles nécessitent de l’aide et du soutien dans différents domaines, notamment dans le domaine psychologique. L’apprentissage scolaire n’est possible que si l’équilibre psychologique des enfants est garanti. 

 

La suspension des cours n’est pas synonyme de vacances. Outre l’apprentissage pur et simple, nous devons garder à l’esprit toutes les autres composantes du confinement actuel des familles.  

 

En ce sens, cette période n’équivaudrait pas à du temps perdu ! Le SEW/OGBL et le SNE/CGFP lancent un appel aux parents et aux politiciens : Faites confiance aux enseignants, qu’au lendemain de cette crise, ils seront maître de la situation et qu’ils répondront au mieux aux besoins de chaque élève. 

 

Communiqué par le SNE/CGFP et le SEW/OGBL, le 2 avril 2020. 

 



Gemeinsame Message vun SNE/CGFP an SEW/OGBL un d’Schoulgemeinschaft aus dem Enseignement fondamental

 

D’Kris vum Covid-19: Eng gemeinsam Erausfuerderung an de Lëtzebuerger Schoulen

 

D’Coronakris huet eis all iwwerrumpelt an d’Liewe vun de Kanner, den Elteren an den Enseignanten déifgräifend verännert.

 

An de Schoulen huet dës sanitär Kris fir d’Enseignantë bedeit, vun haut op muer net méi a Präsenz vun de Schüler Schoul ze halen. Ganz kuerzfristeg hunn d’Enseignanten an d’Schüler mussen op nei Kommunikatiounsweeër an nei Methode zréckgräifen. Domadder ass och e groussen Deel Responsabilitéit an Encadrement am schoulesche Suivi op d’Eltere zréckgefall. Besonnesch d’Kanner hunn hir bekannte Repèrë verluer an hu sech missen a kierzester Zäit ëmstellen. Nëmme mateneen an enger gudder Zesummenaarbecht tëschent alle Bedeelegte kënne mir deen Défi ophuelen.

 

Parallel si mir alleguer mat der sozialer Isolatioun confrontéiert a vill vun eis gi vu gesondheetlechen, finanziellen oder esouguer existenzielle Suerge geplot. De Cumul vun Aarbecht/Télétravail an der Betreiung vun de Kanner – AN hirer Beschoulung – féiere bei ville Familljen zu enger zousätzlecher Belaaschtung.

 

Fir den SEW/OGBL an den SNE/CGFP ass et kloer, dass den « Enseignement à distance » den traditionellen Unterrecht net ersetze kann. Enseignéieren ass eng sozial Interaktioun tëschent engem Enseignant a senge Schüler, an dat an engem schouleschen Ëmfeld. Dat doheem ze maachen, ouni deen néidege pedagogeschen Hannergrond an ouni déi néideg gruppendynamesch Effekter, dofir awer agebett an de familiären Alldag, ass schwéier méiglech, wann net onméiglech. All zesummen musse mir derfir suergen, dass dës Kris eventuell Ongläichheete net weider verschäerft – an dat onofhängeg vum sproochlechen, familiären, techneschen oder berufflechen Ëmfeld. 

 

Well d’Schoulen och no der Vakanz zoubleiwen, muss ënnert Ëmstänn och iwwert d’Aféiere vun neie Contenuen nogeduecht ginn. D’Erausgoen iwwert reng Widderhuelungsaufgabe kéint eng weider grouss Erausfuerderung fir d’Schüler, d’Elteren an d’Enseignanten ginn. Eng national Strategie, déi a Concertatioun mat den Enseignanten ausgeschafft gëtt, kéint dobäi eng grouss Hëllef sinn. Egal wéi muss probéiert ginn, d’Belaaschtung an de Familjen esou kleng wéi méiglech ze halen. 

 

Den aktuellen « Homeschooling » ass a bleift eng Noutléisung: Fir den SNE/CGFP an den SEW/OGBL ass et kloer, dass esou net bei all de Kanner déi selwecht Kompetenzen erreecht kënne ginn wéi ënner normalen Ëmstänn. Mir Enseignantë versécheren Iech awer, dass mir all d’Kanner um Enn vun der Kris do ofhuelen, wou si stinn – och elo wou decidéiert gouf d’Schoulen no der Ouschtervakanz nach weider zou ze loossen. Zesumme mam Educatiounsministère wäerte mir Léisunge sichen a fannen, fir déi Matièren opzeschaffen, déi elo nëmme bedéngt traitéiert kënne ginn. 

 

Fir dass d’Enseignante sech weiderhin op déi schoulesch Inhalter konzentréieren an d’Elteren sou gutt wéi méiglech hir Kanner beim Léieren ënnerstëtze kënnen, sollen Offere geschafe ginn, op déi d’Elteren an d’Kanner bei ausserschoulesche Problemer zréckgräife kënnen. Et ass e Fakt, dass vill Familljen de Moment a verschiddene Beräicher Hëllef an Ënnerstëtzung brauchen, och am psychologesche Beräich. Schoulescht Léieren ass nëmme méiglech, wann e psychologescht Gläichgewiicht bei de Kanner garantéiert ass.

 

D’Suspensioun vun de Coursen ass keng Vakanz. Mir mussen awer, nieft dem renge Léieren, och all déi aner Komponente mat am Bléck behalen.  

 

An deem Sënn wier dës Period keng verlueren Zäit! Den SEW/OGBL an den SNE/CGFP appelléieren un Iech Elteren an un d’Politiker: Vertraut Ären Enseignanten, dass si no der Kris, am gewinnten Ëmfeld, d’Situatioun meeschteren an d’Kanner do ofhuele wäerten, wou si stinn. 


 

Matgedeelt vun SNE/CGFP an SEW/OGBL, den 2. Abrëll 2020.